Ditën e sotme do të zhvillohet takimi i dytë mes presidentit serb, Aleksandër Vuçiç dhe kryeministrit të Kosovës, Avdullah Hoti.
Takimi pritet të nisë në orën 17:00 dhe në të do të marrë pjesë edhe presidenti i SHBA-ve, Donald Trump. Sipas axhendës së publikuar, takimi do të zgjasë jo më shumë se 15 minuta mes palëve.
Fillimisht Trump do të përshëndesë formalisht kryeministrin Hoti dhe homologun Vuçiç në zyrën ovale. Më pas, Trump do të mbikëqyrë ceremoninë e nënshkrimit të marrëveshjes mes Hotit dhe Vuçiç.
Pas nënshkrimit të marrëveshjes, në orën 11:15, presidenti Trump do të marrë pjesë në takim trepalësh me Hotin dhe Vuçiç në Zyrën Ovale aty ku presidenti amerikan ka hapësirën e tij të punës. Më pas mbetet për t’u parë nëse Trump do të japë një prononcim lidhur me bisedimet e bëra brenda Shtëpisë së Bardhë.
