Sekretari i Përgjithshëm i Partisë Demokratike, Gazment Bardhi ka reaguar lidhur me vendimin e Holandës.
Teka e quan “kryeministri i Avdylajve”, Bardhi u shpreh se Rama duhet t’i sqarojë qytetarët se përse Holanda ka vendosur t’i thotë ‘Jo’ hapjes së negociatave me Shqipërinë. Ndërsa shton se nëse Rama nuk do të kishte bërë marrëveshje me krimin e organizuar, Shqipëria do të kishte nisur bisedimet e anëtarësimit prej shumë kohësh
“Për pushtetin e tij kriminal, është gati të sakrifikojë demokracinë dhe të ardhmen evropiane të Shqipërisë”, deklaroi Bardhi.
Kujtojmë se Parlamenti i Holandës ka vendosur t’i thotë “Jo” Shqipërisë për hapje negociatash, ndërsa vendimi për Maqedoninë e Veriut është pozitiv.
Reagimi i plotë i Bardhit:
Kryeministri i Avdylajve duhet t’i shpjegojë qytetarëve se përse Holanda ka vendosur t’i thotë JO hapjes së negociatave me Shqipërinë, në të njëjtën ditë ku ka vendosur ti thotë PO hapjes së negociatave më Maqedoninë e Veriut. Për Shqipërinë, ligjvënësit e Holandës kanë vlerësuar se “nuk po arrin rezultate të prekshme në luftën kundër korrupsionit dhe krimit të organizuar, si dhe në bazë të Raport-Progresit mund të vërtetohet se Shqipëria nuk i plotëson kushtet e vendosura”.
Nëse Edi Rama nuk do të kishte bërë marrëveshje me krimin e organizuar për të ardhur dhe mbajtur pushtet, Shqipëria do të kishte nisur bisedimet e anëtarësimit prej shumë kohësh. Edi Rama ka bllokuar integrimin evropian dhe mundësinë për mirëqenie dhe stabilitet për qytetarët. Ai është sot në sytë e të gjithëve njeriu më i rrezikshëm në vend, sepse për pushtetin e tij kriminal, është gati të sakrifikojë demokracinë dhe të ardhmen evropiane të Shqipërisë.
Beteja jonë kundër korrupsionit, krimit të organizuar dhe për të garantuar zgjedhjeve të lira e të ndershme, është betejë për Shqipërinë si gjithë Evropa! Asnjë hap pas!
Denonco ne TT