Gjatë një konference me ministren e Drejtësisë, Etilda Gjonaj, ministri holandez Ferdinad Grapperhaus ka folur rreth vendimit të djegies së mandateve nga opozita e bashkuar.
Sipas tij, ky vendim i opozitës nuk është i duhuri, pasi dalja nga kuvendi nuk është zgjidhje për të tejkaluar krizën politike në vend.
Gjithashtu, ministri është shprehur se protesta është një nga elementet thelbësore të demokracisë, por nuk duhet të degradojë në dhunë.
“Së pari protestat janë një element shumë i rëndësishëm dhe thelbësor i demokracisë dhe në të gjithë botën njerëzit dalin në rrugë për të shprehur mendimet e tyre.
Javën e kaluar kemi pasur një protestë në Holandë për sulmin terrorist apo çështje të tjera. Por më vjen keq, që kemi pasur raste dhune në Shqipëri në disa protesta, u bëj thirrje që të sigurohen për protesta në paqe, brenda limiteve të shtetit të së drejtës.
Më vjen keq që opozita ka marrë vendimin për të djegur mandatet, dalja nga kuvendi shkon kundër parimeve demokratike. Parlamenti është vendi, baza, themeli për trajtimin e çështjeve” deklaroi Grapperhaus.
