Tensionohet herë pas here situata në protestën e opozitës para Parlamentit, duke u hedhur në këtë mënyrë shashka dhe tymuese nga protesuesit në drejtim të policisë.
Ndërkohë, ish-deputeti i PD Ervin Salianji, në fjalimin e mbajtur përpara protestuesve në podiumin e improvizuar është shprehur se rezistenca e qytetarëve dhe protesta e opozitës do të vazhdojnë deri në largimin e kryeministrit Rama.
Sipas tij, protestat nuk kanë qenë të dhunshme, por policia ka tejkaluar forcën pasi ‘popullin s’ka gardh që e ndal’.
Gjithashtu, Salianji u shpreh se Rama kërkon të zhvasë popullin, ndërsa tha se si dëshiron ta kthejë vendin si Venezuelën e Maduros.
“Ne kërkojmë mirëqenie për shqiptarët, Rama do para e të zhvatë popullin, ndaj ne jemi këtu dhe themi Rama ik.
Ne duam zgjedhje të lira e të ndershme dhe Shqipërisë si gjithë Evropa, ai do ta kthejë si Venezuelën e Maduros.
Ne duam qeveri shërbëtore të qytetarëve dhe jo shërbëtore të oligarkëve, ndaj themi Rama Ik.
Rama ik. Ju dhe cilido e sheh se si qeveria është e kapur në krim e korrupsion, duke tentuar ti bëjnë presion qytetarëve, por sit ata janë më të fortë se kurrë dhe bërtasin Rama ik. A e keni parë si janë të tredhur për hallate prokurorët dhe nuk thërrasin asnjë ditë Edi Ramën, pavarësisht se Shqipëria është vjedhur dhe është zhvatur.
A keni parë të shkojë në Prokurori, Damian Gjiknuri, Vangjush Dakon, Qazim Sejdinin. Në Prokurori shkojnë vetëm qytetarët. Ne nuk perdorim dhune, nese ne do te donim, e kapecenim ate gardh per 2 minuta, nuk ka gardh qe na ndal”, deklaroi Salianji.
