Ka dështuar mbledhja e Komisionit të Etikës lidhur me hetimin për Bylis-Tirana.
Raportohet se të pranishëm në mbledhje ishin vetëm kryetari Fatmir Braka dhe anëtari Bashkim Koka.
Kësisoj, Komisioni pritet që të mblidhet në një datë të mëvonshme, e cila ende mbetet për t’u caktuar.
Etika do të shqyrtojë të gjitha provat dhe dëshmitë për ndeshjen e parë gjysmëfinale ndërmjet Bylisit dhe Tiranës, e cila u akuzua për trukime, pas sinjalizimeve nga kompania ndërkombëtare, “SportRadar” dhe nga UEFA.
Rikujtojmë se në përballjen e 2 korrikut, koeficientët për shënimin e golave apo fitoren e Bylisit me përmbysje lëvizën në mënyrë të dyshimtë.
Këta faktorë ndikuan në dhënien e alarmit, shkruan “A2”.
Ndërkohë në mbledhje, pritet të dalin edhe konkluzionet rreth integritetit të ndeshjes dhe të dy skuadrave të përfshira.
