Disa nxënës të shkollës 9-vjeçare “Godvi” në Bulqizë kanë përfunduar në spital, pasi dyshohet se janë helmuar.
Mësohet se një vajzë e mitur e klasës së 8-të, e cila është nisur me urgjencë drejt Tiranës, për shkak të gjendjes jo të mirë shëndetësore. Nxënësit thanë se kanë ndjerë një aromë të rëndë në klasë, e cila u ka shkaktuar marrje mendsh, dhimbje koke dhe të vjella.
Mjeku i Spitalit të Bulqizës tha për “BalkanWeb” se pritet të mbërrijnë në spital edhe nxënës të tjerë të helmuar. Nga informacionet paraprake, dyshohet se nxënësit janë helmuar me pelet, që përdoret për ngrohjen përmes kaldajave.
