Helmohen 11 nxënës të shkollës 9-vjeçare “Shefqet Tançi” në Bulqizë. Mësohet se nxënësit e helmuar janë të klasës së gjashtë, të cilët janë dërguar në spital, ku po marrin serume.
Fatmirësisht, ata janë jashtë rrezikut për jetën. Sipas të dhënave të para, helmimi ka ndodhur pas një eksperimenti në orën e vizatimit, ku kanë përdorur një lloj sapuni që u ka shkaktuar të vjella.
“Ishim në orën e vizatimit, po përdornim një sapun për një eksperiment. Pas 30 minutash, kemi pasur marrje mendsh dhe të vjella nga era e keqe e sapunit”, ka thënë një nga nxënësit.
Pritet informacion zyrtar nga policia për të mësuar detaje rreth ngjarjes.
