Moderatorja e njohur, Einxhel Shkira, ka kritikuar përmes një postimi në rrjetet sociale, veprimet e dhunshme të protestuesve, duke u shprehur se kjo nuk është mënyra e duhur për të sjellë ndryshimin.
“Ndryshimi nuk vjen me ndëshkim, as me ndërrim karrigesh pushteti, as me shkatërrim, por me reflektim mbi gabimet dhe përmirësim të qasjeve tona humane. Djegia e pemës nuk do ngjallë askënd, nuk do dënojë askënd e as do rrëzojë askënd nga pushteti, por vetëm njollos qëllimin tuaj!”, shkruan ndër të tjera moderatorja.
Ndër të tjera ajo shprehej se nuk del në protestë për të shkatërruar qytetin e saj, por protestën e bën çdo ditë të jetës. Kaq ka mjaftuar që reperi ta rishpërndajë në Instastory shkrimin e saj, duke ia kthyer me një fjalor aspak etik.
