E shtunë, 23 Janar, 2021
10 C
Tirana

“Zemërim dhe gaz lotsjellës në Tiranë”, çfarë shkruan DW për protestën

Ministri Punëve të Brendshme të Shqipërisë, Sandër Lleshi ka dhënë të enjten (10.12) dorëheqjen. Dorëheqja erdhi menjëherë pas protestës së dhunshme të mbrëmjes së të enjten për shkak të vrasjes të martën, (08.12) të 25 vjeçarit, Klodian Rasha, nga një efektiv i forcave speciale kur kishte shkelur orën policore të qarkullimit. Lajmin e dorëheqjes e bëri me dije Kryeministri Rama në një konferencë online për mediat, të paralajmëruar prej tij në median sociale, para se të mbërrinte në Tiranë nga SHBA, ku ndodhej prej disa ditësh.

“Ministri Lleshaj ka njoftuar dhe ka dhënë dorëheqjen e tij. Jam shumë krenar për sensin e përgjegjësisë qytetarë të Sandër Lleshajt. Ai nuk ka asnjë lidhje me aktin e rëndë të vrasjes së një djali 25-vjeçar. Por është vrarë një djalë dhe është hapur një varr dhe një plagë në shpirtin e shqiptarëve”, tha kryeministri Rama në konferencën për shtyp, të enjten në mbrëmje.

Rama: Vrasja e 25 vjeçarit e dënueshme, pa lidhje me Policinë e Shtetit

Në konferencën për shtyp kryeministri e ka quajtur tragjedinë e dy netëve më parë “një episod të shkëputur, të dënueshëm dhe të pafalshëm, por pa asnjë lidhje me punën dhe frymën e Policisë së Shtetit”. Rama sulmoi presidentin Meta duke e quajtur “provën më ulëritëse të përdorimit disproporcional të forcës së inatit politik e personal në dëm të ligjit, nxitës dhe organizator i serialeve të dhunshme që  nuk e ka thënë kurrë një fjalë të vërtetë solidariteti për efektivat e policisë të ndodhur nën presionin e dhunës”.

Po kaq i ashpër ka qënë kryeministri me kryetarin e Partisë Demokratike, Lulzim Basha, që e ka cilësuar si ” Ministri i Brendshëm i masakrës së 21 Janarit 2011, kur qeveria, kryeministria vrau katër protestues krejt paqësorë”. Rama i cilësoi “huliganë pa atdhe, pa din e as iman, ata që mbrëmë i vunë flakën Pemëve të Krishtlindjes dhe Vitit të Ri”.

Lexo edhe :   Vetëvendosja garon në zgjedhjet e 25 prillit, nesër prezanton kandidatët e parë

“Po u them gjithë efektivëve të Policisë së Shtetit, në radhë të parë atyre që edhe mbrëmë u përballën me gurët, me zjarrin dhe tufën e hienave që donin të shqyenin dritare e dyer institucionesh, në emër të Klodianit të ndihen krenarë për uniformën, për sakrificën, për shërbimin e palodhur ndaj ligjit e vendit”, theksoi Rama.

Albanien I Gewaltsame Proteste in Tirana auf Grund der Ermordung eines jungen Mannes durch die Polizei

Lleshaj: Dorëheqje e parevokueshme

Në një deklaratë për mediat, ministri i Brendshëm, Sandër Lleshaj, e quan dorëheqjen e tij ” të parevokueshme përballë përpjekjeve të autorëve të 21 janarit për të kërkuar sot një pretekst të ri për dhunë bazuar në një episod tragjik dhe fatal dhe vetëdijes se vendi ka nevojë për një model të ndryshëm sjelljeje politike nga ai i autorëve të masakrave të 1997, 1998 dhe 2011”, theksoi ai duke sjellë në vëmendje episode të rënda dhune, për  të cilat e majta sot në pushtet akuzon PD-në, në opozitë.

Lexo edhe :   Vetëvendosja garon në zgjedhjet e 25 prillit, nesër prezanton kandidatët e parë

Protestat vazhdojnë me akte dhune

Dorëheqja e Ministrit të Brendshëm Lleshaj përbën një nga kërkesat kryesore të protestave kundër policisë për vrasjen e 25 vjeçarit, Koldian Rasha, nga një efektiv i forcave speciale, të hënën, por pasi kishte kaluar mesnata.

Edhe në mbrëmjen e të enjtes protestuesit vijuan të kryejnë akte dhune para Ministrisë së Brendshme, Kryeministrisë dhe Muzeut Historik Kombëtar. Ata përdorën sërish sende të forta për të goditur policët dhe sulmuar institucionet.

Mes protestuesve pati nga ata që u vunë flakën kazaneve të plehrave, shkulën semaforët e qarkullimit rrugor, thyen xhamat e dritareve të institucioneve si edhe rrëmbyen një zjarrfikëse. Akte vandalizmi u kryen edhe tek selia e Partisë Socialiste. Për t’i zmprapsur policia përdori gazin lotsjellës dhe ujë me presion. Të enjten edhe sheshi “Skënderbe” në qendër të Tiranës, i zbukuruar për festat e fundvitit u zbardh nga gazi lotsjellës dhe uji me presion. /DW

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...