Rënia e temperaturave në Florida të SHBA-ve, ka bërë që iguanat të fillojnë të bien nga pemët për shkak të të ftohtit.
Kjo pasi ulja e temperaturave bën që ata të ngurtësohen dhe të humbasin kontrollin kur kapen në degë dhe në pamje të parë duket sikur ato kanë rënë nga qielli. Duke qenë se hardhucat janë me gjak të ftohtë, kur temperaturat zbresin nën 4 gradë ato ngadalësohen ose bëhen të palëvizshme.
Një gjë të tillë e ka paralajmëruar edhe Shërbimi Kombëtar i Motit (NWS) në Miami përmes një postimi në Twitter.
Jan 21 – This isn't something we usually forecast, but don't be surprised if you see Iguanas falling from the trees tonight as lows drop into the 30s and 40s. Brrrr! #flwx #miami pic.twitter.com/rsbzNMgO01
— NWS Miami (@NWSMiami) January 21, 2020
“Kjo nuk është diçka që ne parashikojmë zakonisht, por mos u çuditni nëse shihni iguana që bien nga pemët sonte”, thuhet në postimin e tyre.
Pas këtij njoftimi, shumë foto tjera të hardhucave përtokë filluan të publikoheshin nga njerëzit.
NWS Miami sqaron se edhe pse iguanat mund të bien nga pemët, ato nuk kanë ngordhur.
Florida u përfshi nga një i ftohtë i madh në fillim të kësaj jave, teksa temperaturat ranë nën zero gradë. Mot ky shumë i pazakontë për shtetin i cili karakterizohet nga temperatura të ngrohta.
