Kryeministri i Kosovës, Ramush Haradinaj, gjatë vizitës në Maqedoni është pritur nga homologu i tij, Zoran Zaev.
Përmes një postimi në “Facebook”, Haradinaj bën me dije se ka qenë në një vizitë miqësore në shtëpinë e kryeministrit maqedonas, ndërsa shkruan se diskutuan për fqinjësi të mirë, bashkëpunim korrekt dhe për të ardhmen e përbashkët aeuro-atlantike të të duyja vendeve.
“Bashkë me Anitën, të pritur në shtëpinë e Kryeministrit të Maqedonisë Veriore, Zoran Zaev dhe zonjës Zorica. Bashkëbisedim miqësor, për fqinjësi të mirë, bashkëpunim korrekt dhe të ardhmen e përbashkët euro-atlantike të të dyja vendeve!”, shkruan Haradinaj bashkangjitur fotove.
