Rajoni

Haradinaj bën deklaratën e fortë: Jemi gati për pajtim me Serbinë

               Publikuar në : 13:18 - 12/06/19 S.N

Ditën e sotme në kuadër të 20-vjetorit të ndërhyrjes së NATO-s në Kosovë, ish-presidenti i SHBA-ve Bill Clinton ka parakaluar së bashku me sekretaren amerikane të shtetit Madeliene Albright dhe ish-komandantin e NATO-s gjeneral Wesley Clark, në një tubim madhështor që u mbajt në sheshin e Prishtinës.

Clinton gjatë fjalës së tij iu bëri apel të gjithë politikanëve kosovarë, që të punojnë fort për konsolidimin e vendit, ndërkohë në vijim mbajti një fjalim edhe kryeministri i Kosovës Ramush Haradinaj.

Ky i fundit deklaroi publikisht se qeveria e Kosovës është gati për pajtim me Serbinë dhe po ashtu falënderoi qeverinë shqiptare për pjesëmarrjen dhe mbështetjen që i ka dhënë në gjithë këto vite.

“Kjo ditë i ngjason jo qershorit, por verës 99-të kur jemi bashkë të lirë në Kosovë. Ka qenë kënaqësi me ecë lirshëm pas gjitha vuajtjeve që ka kaluar populli. Me lejoni të përshëndes familjarët e të rënëve për liri. Për shumë kohë, populli ynë ka kërkuar lirinë, brezat janë flijuar, populli priste nga Zoti ndihmën. UÇK qëndroi me ne. Spastrimi etnik dhe frenat e vdekjes u ndalën nga ju President Clinton. Ju me avionë ndalet trenat e vdekjes e spastrimin. Sot populli ju falënderon për jetë. Kosova sot është një derë e re në rajon dhe sjell paqe për të gjithë ne.

Kosova është e gatshme dhe i bën thirrje Serbisë për pajtim. Këtë e bëjmë edhe në shenjë të falënderimit që na ka dhënë BE, për gjithë ndihmën e saj. Zoti e bekoftë Kosovën, aleatët, Amerikën”, ka thënë Kryeministri Haradinaj.

Kujtojmë se dialogu Kosovë-Serbi këto kohët e fundit ka qenë më i tensionuar se asnjëherë dhe kjo deklaratë e Haradinajt me shumë gjasë do ndikojë pozitivisht duke përmirësuar marrëdhëniet mes dy shteteve.

Kthehu
WhatsApp Denonco ne TT