Ambasadorja e Shteteve të Bashkuara të Amerikës në Shqipëri, Yuri Kim, aktualisht po mban një takim me Bashën.
Takimi ‘kokë më kokë’ me kryedemokratin Basha po mbahet në selinë blu. Në mbledhje ndodhet edhe ambasadori i BE-së, Luigi Soreca.
Pas ndryshimeve kushtetuese që Kuvendi votoi sot, pak më herët erdhi edhe një qëndrim zyrtar nga SHBA. Ambasada në Tiranë shprehet se këto ndryshime janë në funksion të reformës zgjedhore, dhe ato do të mundësojnë masa shtesë. Nga ana tjetër, SHBA thotë se e kupton zhgënjimin e opozitës së kryesuar nga PD, dhe se mirëpret angazhimin e tyre në Këshillin Politik.
