Deputeti i opozitës, Halit Valteri ka treguar se si e kishte siguruar videon, me pamjet që lidhen me atentatin ndaj prokurorit Arjan Ndoji.
Në një intervistë për News24, Valteri deklaroi se kishte qenë babai i shoferit që mbeti i varë në këtë atentat, ai që e kishte kontaktuar nga afër dhe i kishte kërkuar ndihmë.
Sipas Valterit, babai i viktimës i kishte kërkuar që ta publikonte videon në Kuvend.
“U ulëm në kafe dhe më thotë se ‘kam një video’. Më tha se policia nuk ndjek procedurën që duhet të ndjek për ngjarjen. Unë i sigurova se do e ngre shqetësimin e tij në Kuvend. Ai ma tha se; nëse më bën këtë gjë, më ke ndihmuar’. Unë u mora me këtë çështje. Zotit Lleshaj i kam bërë një sërë pyetjesh. E di që dhe Lleshaj se fsheh këtë gjë, dhe ai do që të zbardhet kjo ngjarjes siç do babai i viktimës dhe unë. Unë i kërkova Llesahjt nëse ka pasur sinjale për ngjarjen në Durrës, se mund të ndodhte një ngjarje kriminale. Kur zoti Ndoji u cilësua si KCCK nga kryeministri , si njoh fare dhe s’dua t’i njoh. Unë kam vetëm një shqetësim, pasi një i ri, 23 vjeç aksidentalisht i gjendur aty, për të fituar bukën e gojës, është vrarë pas përplasjes së dy bandave. Zotit Genci i kam siguruar që do jem zëri i tij dhe i çdo njeri që ka nevojë. Unë se kam nxjerrë për mediat atë video. Ajo video është marrë nga zotëria, dhe përderisa ai merr atë video, tregon se nuk është sekret hetimor. Se si e ka siguruar atë video, kjo është puna e tij. Se si zotëria ka arritur të fusë në dorë një video, që është top sekret, atëherë nuk është më e tillë. Puna e tij se si e ka marrë. Ndaj nuk është më sekret hetimor. Qëllimi i publikimi të video, ishte kërkesa e babait të të ndjerit. Dhe nëse publikohej kjo video, prokuroria dhe policia të vihej në lëvizje. Unë skam thënë se; ky person e vrau. I akuzuari për vrasje del në një video”, tha ai.
