Katedralja “Ringjallja e Krishtit” në Korçë, ka rënë pre e një grabitje, ku mësohet se është vjedhur një sasi e vogël parash. Dyshohet që autorë të jenë dy të mitur, ndërkohë që janë duke u bërë procedurat e nevojshme nga policia.
Uniformat blu po kryejnë veprimet procedurale, dhe po punojnë për identifikimin e kapjen e autorëve.
Kjo nuk është hera e parë që vidhen lekë apo sende me vlerë, në objektet e kultit në Korçë.
Njoftimi
Më datë 02.09.2021, në mëngjes, jemi njoftuar se në kishën “Ringjallja e Krishtit” në Korçë, është vjedhur një sasi lekësh tek dy arka ku besimtarët hedhin lek, të cilat ndodhen në ambientin e brendshëm të kishës.
Nga deklarimet paraprake të marra, dyshohet se dy persona të cilët ishin fshehur gjatë natës në brendësi të kishës, kanë vjedhur një sasi të vogël të hollash dhe më pas janë larguar.
Policia në vendngjarje, po kryhen veprimet procedurale dhe po punon për identifikimin e kapjen e autorëve.
