E hënë, 6 Dhjetor, 2021
11.5 C
Tirana

Hajdari: Kushtetuta e re kërkon burra të mençur, jo çunat e PD-së

I ftuar në emisionin “Log” në ABC me Endri Xhafon, konstitucionalisti Shkëlqim Hajdari  teksa foli për çështjen Gërdeci, vendosi pikat mbi ‘I’ duke thënë se përmbysi demokracinë. Ndër të tjera ai foli dhe për zgjatjen e afateve të Vettingut dhe Vettingun në politikë. Ndryshimet Kushtetuese të 2008, Shkëlqim Hajdari thotë se janë bërë dy ditë pasi ka ndodhur tragjedia e Gërdecit, dhe sipas tij, kanë përmbysur demokracinë në Shqipëri.

“S’ka pse të shtyhet Vettingu. Ndërkombëtarët në Shqipëri kanë fjetur gjumë kur u bënë ndryshimet. A ka pasur prononcim nga amerikanët…etj? Më 15 mars të vitit 2008, ka ndodhur një shpërthim në Gërdec, janë vrarë shumë persona, e ka ndodhur gjithë ai dëm.

Pa i bërë të 40 ditë, është ndryshuar Kushtetuta. Ka pasur dhe një komision në atë kohë. Ndryshimet kushtetuese kanë ndodhur dy ditë pas Gërdecit, dhe kanë përmbysur të gjithë demokracinë në Shqipëri. Ndërkombëtarët janë në Shqipëri për të ndihmuar, por kjo s’do të thotë se kanë të drejtë.

Megjithë respektin për komisionet e Vettingut vetë nga mazhoranca kanë dalë zëra se s’janë të kënaqur me punën e Vettingut. Unë kam bërë gjyqe gjithë jetën. Kam qenë nja 7 vjet drejtues prokurorie. Një gjyq një javë një trupë e KPK duhet ta bënte, prandaj është i pakënaqur edhe Xhafaj. Kushtetuta thotë se nëse procesi i Vettingut nuk ka mbaruar, kompetencat i merr KLP dhe KLGJ. Unë në parim s’jam as kundër Vettingut në politikë, por rruga që ka zgjedhur PD-ja nuk është kjo”, tha Hajdari.

Hajdari u shpreh ndër të tjera se ndryshimet në Kushtetutë, s’mund të bëhen me “çuna të rinj” por me njerëz të mençur. Një thirrje e hapur vjen edhe për ambasadorët Kim dhe Soreca.

“I bëj thirrje Kim dhe Soreca që ti bëjnë thirrje politikës, për të bërë reformë Kushtetuese. Nuk mund të bëhen ndryshimet kushtetuese, 20 çunat e PD-së, çuna të rinj, nuk bëhet kështu kjo punë se janë duke u bërë qesharak. Ndryshimet Kushtetuese duan burra të mençur. Që kur ka ndryshuar Kushtetuta në 2008, koka ime s’ka pushuar asnjëherë për të thënë se çfarë gjëme i bëmë vendit. Z. Bamir Topi ka qenë nga politikanët që i ka kundërshtuar ndryshimet Kushtetuese, por ka pasur dhe disa burra që s’janë sot në politikë dhe kanë votuar kundër”.

Vettingu në politikë duket se ka nisur të shqetësojë pushtetarët. PD i kapi në befasi të gjithë, duke kërkuar verifikim të pasurisë dhe figurës për presidentin, ministrat dhe deputetët. Sekretari i PS, Damian Gjiknuri, ka dalë kundër kësaj nisme të PD. “Shqipëria ka mjaftueshëm ligje që bënë të mundur kontrollin e figurës së politikanit, si ligji për deklarimet e pasurive, kemi një ligj të antimafias dhe pastrimit të parave si dhe ligjin për dekriminalizimin që është ndër ligjet me të ashpra. Ne kemi legjislacion të plotë, por kjo nuk do të thotë që ne nuk do të diskutojmë për gjëra të cilat janë të bëshme, ka eksperienca dhe nuk vënë në rrezik arritjet e deritanishme. Shqipëria ka legjislacion të mjaftueshëm për të kryer atë që quhet kontrolli i pastërtisë së figurës së politikanëve. Të përziesh gjyqësorin në procese administrative, është një eksperiment që asnjë shtet nuk ka guxuar ta bëjë. Vettingu në gjyqësor erdhi si nevojë edhe për shkakun se ato janë në një profesion për jetë dhe nuk i japin llogari askujt. Në rastin e politikanëve është ndryshe”, tha ai.

Edhe LSI ka dalë kundër nismës së PD-së për të kryer Vettingun në politikë. Deputetja e LSI-së, Erisa Xhixho, shprehet se një qëndrim i tillë shpreh qartë ndasitë që kanë mes dy partive që dikur ishin aleate në zgjedhjet e 25 prillit. “Nëse më pyet si Erisa Xhixho që je pro që zyrtarët e korruptuar duhet të shkojnë në burg, patjetër që po. Nëse më pyet për propozimin e PD-së, ka qenë një propozim i 2018, i cili e ka hedhur poshtë Venecian, Komisioni më i rëndësishëm për konsultimet e ndryshme, i cili është shprehur se për nga mënyra se si është hartuar ai ligj ka problemet e tij, e ka hedhur poshtë në një farë mënyre. Në momentin që funksionon sistemi i drejtësisë, SPAK, ILDKP, e ligji antimafia çdo tjetër atëherë nuk ka nevojë për Vetting”, tha Xhixho.

- Reklama -

Më shumë nga kategoria




Të fundit

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...

Jean Todt mbështet ndërtimin e automotoparkut në Elbasan

Më herët, kreu i DPSHTRR Blendi Gonxhe njoftoi se në Elbasan do të ndërtohet automotoparku i parë në Shqipëri, për të mundësuar edhe zhvillimin...