Haga cakton seancën e rradhës për ish-krerët e UÇK-së

Gjykata Speciale e Hagës ka caktuar datën për seancën e radhës të ish-krerëve të UÇK-së. Seanca do të mbahet në orën 11:00 në datën 11 shkurt. Seanca e tyre pritet të mbahet 3 ditë para zgjedhjeve të parakohshmë të vendit.

Deri më tani, Gjykata Speciale në Hagë ka ngritur aktakuza për krime lufte ndaj ish-udhëheqësve të Ushtrisë Çlirimtare të Kosovës Hashim Thaçi, Kadri Veseli, Jakup Krasniqi, Rexhep Selimi e Salih Mustafa.

Ndaj udhëheqësve të Organizatës së Veteranëve të Luftës, Hysni Gucati dhe Nasim Haradinaj, është ngritur aktakuza për “pengim të drejtësisë”.

Për të mbështetur mbrojtjen juridike të të akuzuarve nga Gjykata Speciale, Kosova ka vënë në dispozicion rreth 20 mililonë euro.