Habit Agron Duka: Nuk e di a do më votojë gruaja (Arsyeja)

Kryetari i Partisë Agrare Ambientaliste, Agron Duka ka folur për koalicionin me Partinë Demokratike, dhe fushatën e zgjedhjeve të 25 prillit.

I ftuar në emisionin ”Fiks Fare”, Duka tha me nota humori se nuk ishte i sigurt për votën e bashkëshortes, pasi në Durrës kandidon dhe vëllai i saj, i cili është ish-ministri Lefter Koka.

Ndër të tjera, Duka deklaroi se këto zgjedhje janë të fundit që ai do të jetë në politikë, pasi do të tërhiqet për tu hapur rrugë të rinjve.

Pjesë nga biseda

Pse zgjodhe PD kur ti je një i majtë i njohur?

Me thënë të drejtën nuk jam një I majtë I thekur, kam hyrë në politikë si I pavarur I mbështet nga e majta në 2001. Megjithatë kam shumë respect për të majtën. Dhe me thënë të drejtën, atje ku isha dhe këtu ku jam vështirë të gjej të majtë reale. Po ama elementë të majtë ka edhe atje, edhe këtu…

Si i bëhet me Durrësin? Ke kundërshtar kunatin…

Këto lista pavarësisht se hiqen të hapura, janë lista të mbyllura. Sidomos tani që u bë me këto pullat. Unë e kam thënë dhe më parë si matrikull kafshësh ngaqë nuk ka emra. Kështu që pulla ime që jam 2 me pullën e Lefterit që është 7 nuk konkurrojnë shumë. Konkurrojnë partitë politike.

Po mirë pra mirë se jeni një familje…si do I ndani me njëri tjetrin. Gruaja për kë do të votojë për burrin apo për vëllain se e ka gjakun e vet, është e sikletshme…

Të kisha qenë më i ri e sigurt që do votonte për mua…por në këtë moshë e kam parë që bën ndonjëherë sms me kundërshtarin tim politik, kështu që s’jam i sigurt…