Pep Guardiola e ka përshëndetur transferimin e Jorginho te Chelsea. Mesfushori ishte objektiv i Manchester Cityt dhe bisedimet ishin të avancuara, por në fund ndërhynë Maurizio Sarri dhe ai përfundon tek “Blutë e Londrës”.
26 vjeçari pas një eksperience prej 4 vitesh tek Napoli vendosi të provojë një eksperiencë të re dhe në fund zgjodhi të punonte sërish me trajnerin që punoi në Itali, pavarësisht se kishte oferta nga Manchester United dhe Manchester City.
Pep Guardiola, duke e komentuar këtë transferim ka thënë se Jorginho do të gabonte nëse do të vinte te City, duke e ditur se po e kërkon Sarri. “Nuk jam i zhgënjyer për mos transferimin e tij. Ne u përpoqëm, por në fund këshilla ime që gjithmonë them është se lojtarët mund të luajnë aty ku duan”, ka deklaruar Guardiola. “Për djalin, mund të kishte qenë gabim nëse do të vinte tek ne, duke e ditur se e dëshironte edhe Sarri”.
