Grup i strukturuar kriminal: PD çon në SPAK, Ramën dhe Veliajn për iceneratorët

Inceneratorët janë kthyer në debatin kryesor mes partive politike në prag të zgjedhjeve të 25 prillit.

Partia Demokratike ka bërë ditën e sotme në SPAK kallëzim për inceneratorin e Tiranës.

Përfqësuesit e partisë më të madhe opzitare, Jorida Tabaku dhe Çlirim Gjata, thanë se këtë padi e kanë trajtuar si grup i strukturuar kriminal.

Të paditurit janë, Edi Rama, Arben Ahmetaj, Lefter Koka, Erion Veliaj, Klodian Zoto dhe Mirel Mërtiri.

”Ka 3 vite që bëhen denoncime në media, me gazetare investigativë me fakte për këto 3 inceneratorë. Pyetja është pse SPAK duhet të presë për një kallëzim formal? Denoncimet janë rol dytësor sa i takon procedurës. Prokuroria ka rol aktiv, vepron vetë, mos të presë sa t’i çojmë ne denoncimin. Marrim këtë Tiranës, çfarë duhet të bëjë SPAK a mund të shkoj deri në QKR dhe të shikojë kur u krijua kompania që fitoi tenderin e inceneratorit? Ça kuptimi ka që qeveria e jep me koncesion, kur punën nuk e bën privati. 23 mln janë dhënë nga buxheti, por ai nuk ka bërë asgjë. E kemi trajtuar si grup të strukuturat kriminal, Edi Rama, Arben Ahmetaj, Lefter Koka, Erion Veliaj, Klodian Zoto dhe Mirel Mërtiri. Ku shkojnë paratë, kush fshihet pas’’, thanë përfaqësuesit e PD.