Në institucionin e vuajtjes së dënimit numër 302 në Tiranë, shumica e të burgosurve kanë refuzuar ushqimin. Ata kundërshtojnë rregullat e reja, sipas të cilave, nuk u lejohet më shumë se 5 kg ushqim që u sillet nga të afërmit e tyre nga jashtë.
Gjatë mesditës së sotme, të gjithë të paraburgosurit nuk janë paraqitur në mensë, për të konsumuar ushqimin që gatuhet në kuzhinën e burgut.
Ata kundërshtojnë cilësinë e ushqimeve në burg, dhe moslejimin e takimeve me familjarët.
Ndërkohë Drejtoria e Burgjeve sqaron se këto masa janë marrë, për shkak të rregullave të reja për institucionet e burgjeve.
