Greva e Albcontrol/ Balluku: Çeta e politikës po merr peng aeroportin

Ministrja e Infrastrukturës, Belinda Balluku ka dalë sërish në një konferencë për shtyp në lidhje me situatën e krijuar në aeroportin e Rinasit, ku kontrollorët e Alcontrol kanë hyrë në grevë duke pezulluar fluturimet.

Në një dalje për mediat, Balluku i cilësoi një pjesë të kontrollorëve tregtarë dhe të kapur nga çeta e politikës.

Ajo tha se kontrollorët nuk po e kryejnë detyrën e tyre dhe u bëri thirrje që të kthehen në vendin e punës sa më shpejt.

Belinda Balluku: E them dhe e theksoj, nuk janë të gjithë kontrolloret shqiptarë tregtarë. Fatkeqësisht një pjesë e tyre janë kapur nga politika. Sot një ccetë e ka marrë dhe e ka bërë placckë. Të këshilluar nga mjeshtërat e politikës qëndrojnë në ndërtesë që të mos quhet braktisje e vendit të punës. Braktisja e vendit të punës është dëshmitare e gjithë Shqipëria dhe nuk do t’iu ndihmojë dot askush kur të vendoseni para ligjit. Detyra juaj është të operoni trafikun ajror të Republikës së Shqipërisë. Ju nuk po e kryeni detyrën tuaj.

Nuk jeni në detyrë, e keni braktisur detyrën. Ligjshmëria e veprimeve tua ka rënë dje. Fletë të shkruara si zotëria i stresuar për shkak se nuk merr 4400 dollarë por 2490 dollarë për 17 ditë punë në javë. Nëse një familje me 4 persona mbahet apo jo me kaq para. Nga ky moment për shkak të sigurisë së Republikës së Shqipërisë, duke qenë se kontrollët e trafikur ajror  kanë vendosur të mos bëjnë detyrën. Të gjithë ata persona që nuk operojnë. Të gjithë këta persona që nuk  kryejnë detyrën do të largohen nga kjo godinë duke fiolluar nga ky moment.