Greqia përzgjedh 15 mijë punonjës sezonalë nga Shqipëria. Bëhet fjalë për 15 mijë vende pune, të aplikuara nga bizneset në Greqi, për punonjës sezonalë nga Shqipëria.
Burime jo zyrtare raportojnë se të gjitha këto aplikime janë regjistruar përgjatë 13 ditëve të fundit, në portalin e hapur në Greqi për përzgjedhjen e punonjësve. Largimi i shqiptarëve drejt Greqisë do realizohet duke plotësuar protokollet e kërkuara.
Emigrantët në fjalë të cilët do të udhëtojnë drejt shtetit grek, do të kalojnë përmes Kakavijës, ku do të ngrihet një tunel dezinfektimi. Të gjithëve pa përjashtim do u matet temperatura.
