Kryetari i Kuvendit të Serbisë, Ivica Daçiç deklaroi se aktualisht nuk ka informacione, nëse Greqia do ta njohë pavarësinë e Kosovë. Por, ai shtoi se nëse kjo do të ndodhë, Serbia do t’i përgjigjet Greqisë, me një mënyrë tjetër.
“Nuk do të ishte mirë që kjo të ndodhte, por nëse ndodh, Serbia ka mundësi ta kompensojë në anën tjetër”, tha Daçiç për Tv Happy në Beograd,, duke deklaruar se Greqia është nën presion për ta njohur Kosovën.
Ai tha se nga katër anëtarët e tjerë të Bashkimit Europian që nuk e kanë njohur pavarësinë e Kosovës, Spanja dhe Qiproja janë të sigurta se nuk do ta bëjnë.
Sipa tij, Sllovakia dhe Rumania tha se kanë qenë nën presion për një kohë të gjatë dhe po përballen me dilema dhe probleme të vazhdueshme. “Ata i njohën pasaportat, por prapë nuk e njohën Kosovën”, tha Daçiç.
Takimi i dytë Kurti-Vuçiç, pa rezultat
Ditën e djeshme, u zhvillua në Bruksel raundi i radhës i bisedimeve midis Kosovës dhe Serbisë për normalizimin e marrëdhënieve, me ndërmjetësimin e përfaqësuesve të Bashkimit Europian.
Kryeministri i Kosovës, Albin Kurti, tha pas takimit se i kishte propozuar presidentit të Serbisë, Aleksandër Vuçiç, një marrëveshje me gjashtë nene, si deklaratë e paqes midis dy vendeve, por shtoi se ajo u refuzua “ende pa u lexuar”.
Nga ana tjetër, Vuçiç u shpreh se takimi shkoi më keq se sa e kishte menduar, dhe tha se Kurti e ka akuzuar Serbinë për tri gjenocide ndaj shqiptarëve.
