Në parlamentin grek pritet të që të votohet një projektligj i ri, i cili konsiston që çdo fëmijë i lindur në Greqi të marrë një shpërblim prej 2 mijë eurosh.
Ky projektligj do të hyjë në fuqi për çdo fëmijë që do lindë nga data 1 janar e mbrapa.
Gjysma e parë e përfitimit, që arrin shumën prej 1 mijë eurosh, do t’u shpërndahet menjëherë prindërve pa ndonjë aplikim. Sa i takon pjesës tjetër së shumës, ajo do të paguhet gjashtë muaj pas lindjes së secilit fëmijë.
Ky projektligj do të aplikohet edhe për fëmijët e lindur në Greqi nga qytetarë jo të Bashkimit Evropian. Por kjo me një kusht, që nëna të ketë qenë banore e rregullt dhe e përhershme e Greqisë që nga viti 2012.
