Qeveria greke ashpërson masat në Pikën Kufitare të Kakavijës, për shkak të situatës së Covid-19.
Duke filluar nga dita e hënë, personat që do të rezultojnë pozitiv në testet e shpejta, nuk do t’u lejohet hyrja në territorin helen.
Kjo masë merret për të mbrojtur shëndetin publik në shtetin fqinj. Veç kësaj, do të ketë edhe gjoba për personat e prekur me Covid-19 nëse tentojnë të hynë ilegalisht në Greqi.
“Në intervale të rregullta qeveria merr vendime disa prej të cilave janë të vështira për t’u zbatuar dhe krijojnë probleme serioze në udhëtime”, thuhet në njoftimin e medias greke.
Deri më tani, personat që dilnin pozitiv në kontrollet e palës greke në Kakavijë karantinoheshin 14 ditë. Pas ditës së hënë ata nuk do të mund të hyjnë dot në Greqi.
Në 24 orët e fundit, në vend u regjistruan 840 raste të reja dhe 16 viktima nga Covid-19.
