I dërguari special i SHBA, Richard Grenell, ka konfirmuar se presidenti Donald Trump mund ta vizitojë shumë shpejtë Kosovën dhe rajonin. Ai ka thënë se ende nuk është vendosur një datë, por dëshira e Trump është e madhe për të realizuar një vizitë.
“Presidenti Trump ka thënë se mezi pret të vijë në vizitë. Ende nuk kemi datë apo detaje, por tashmë e kemi tejkaluar pengesën e parë, pra që Shtëpia e Bardhë zyrtarisht pajtohen me një gjë të tillë”, ka thënë Grenell.
Ndërsa ka folur për një radio serbe në Chicago, Richard Grenell shprehet se SHBA nuk dëshiron të ndërhyjë në zgjidhjen e problemeve mes Prishtinës e Beogradit zyrtar, pasi dy vendet duhet t’i zgjidhin vetë ato. ”Të gjithë tani janë të fokusuar në politikë, përderisa ne jemi të fokusuar në ekonomi. Duam që kapitalizmi të mbizotërojë në rajon, që përmes krijimit të vendeve të reja të punës të bëjmë atë që nuk kanë arritur të tjerët, pasi u fokusuan në aspektin politik”.
Këtë deklaratë Grenell e ka bërë pas nënshkrimit të marrëveshjes Kosovë-Serbi në SHBA, nën ndërmjetësimin e presidentit Donald Trump. Më 4 shtator, dy vendet nënshkruan marrëveshje ekonomike, por këtu u përfshi edhe njohja e ndërsjelltë e Kosovës me Izraelin.
