Kryetari i Kuvendit, Gramoz Ruçi, është shprehur se qeveria dhe Parlamenti kanë obligime ndaj sistemit arsimor dhe ndaj studentëve shqiptarë.
Gjatë takimit të tij me rektorët e 24 universiteteve publike dhe private, Ruçi pranoi se financimet në fushën e kërkim-zhvillimit nuk kanë qenë në nivelin e duhur, pavarësisht angazhimit të qeverisë këtë vit për të ndihmuar studentët përmes “Paktit për Universitetit”.
“Unë jam i vetëdijshëm se Kuvendi dhe qeveria i detyrohen shumë universitetit, por edhe studentëve. Financimet shkencore nuk janë përmbushur siç duhet për shkak të mungesës së burimeve financiare. Qeveria gjatë këtij viti ka treguar një ndjeshmëri shumë të lartë ndaj universitetit. Unë i vlerësoi përpjekjet e universiteteve publike dhe jo publike, të cilët mbështesin studentët përmes bursave”, tha kreu i Kuvendit.
