Përfaqësues të opozitës kanë reaguar pas grabitjes që u shënua pasditen e sotme në Rinas.
Përmes një postimi në “Facebook”, ish-kryeministri Sali Berisha shprehet se bandat e partisë kanë grabitur për së dyti miliona euro në pistën e avionëve, ndërsa shton se paratë do të përdorën për fushatën elektorale.
“Hajdutët me automjetin me arkat e plaçkitura që përmbanin miliona euro u zhdukën në drejtim të paditur. Ndërkohë afër Fushe Krujës policia ekzekutoi besohet njërin nga banditët.
Paratë e grabitura, në traditën e njohur do t’i përdorim për fushatën elektorale të ardhshme.”, shkruan Berisha.
Ndërkohë, Edi Paloka e cilëson këtë ngjarje si “deja vu”, teksa thekson se nuk është rastësi që kjo grabitje ndodhi përpara zgjedhjeve.
Sakaq, Ish-deputeti i LSI, Endrit Braimllari ka akuzuar Policinë e Shtetit, të cilët sipas tij “nuk kanë kohë të merren me sigurinë publike por dhunojnë gra, fëmijë dhe të moshuar te “Bulevardi i Ri”.
