Pak momente përpara se të kryhej grabitja në Rinas, në aeroport ka zbritur Presidenti i Republikës, Ilir Meta, i cili kthehej nga një vizitë zyrtare në Austri.
“Ka qenë garda, sepse është kthyer presidenti i republikës nga Austria. Po ashtu do të nisej disa orë më vonë dhe zyrtari amerikan”, tha gazetari Artan Hoxha.
Sipas Hoxhës, grabitësit kanë pritur të largohet garda dhe më pas kanë vepruar, ndërsa shtoi se ata kanë pasur paraprakisht informacion të detajuar për lëvizjen e vlerave monetare si dhe për oraret.
Presidenti Ilir Meta ka qenë në Vjenë të Austrisë, ku ka mbajtur një fjalë në mbledhjen e Byrosë së Asamblesë Parlamentare të OSBE-së.
