Ministrja e Infrastrukturës dhe Energjisë, Belinda Balluku është treguar mjaft e ashpër dhe e prerë lidhur me koncesionarin, pas reagimit të këtij të fundit lidhur me super-grabitjen në Rinas.
Balluku e ka cilësuar si fyese reagimin dhe deklaratën e kompanisë kineze, ndërsa shtoi se “ju nuk i dini të gjitha”, duke lënë të kuptohet se shkeljet ndër vite kanë qenë të shpeshta nga koncesionari.
Balluku u shpreh investimet kanë qenë minimale, ndërsa tha se koncesionari nuk është interesuar të nvestojë për të siguruar masat e nevojshme, duke cenuar sigurinë kombëtare.
“E vetmja gjë që di të bëjë koncensionari kinez është hapja e parking-eve”, u shpreh ajo me ironi, duke thënë se masat e sigurisë janë fare të papërfillshme, duke shkaktuar edhe këto ngjarje të rëndë, pikërisht në shkallët e avionit.
Fjala e Ballukut:
Kontrata ka mangësi të mëdha, ka qenë gjithmonë problematike. Edhe çmimet e kripura që në këtë aeroport aplikohen, vijnë si rrjedhojë e kësaj kontrate.
Nuk kam folur për masa ekstreme, kam thënë që kemi qenë të kujdesshëm për të mos krijuar asnjë lloj penaliteti. Situata këtu që është kërkon një zgjidhje imediate dhe s’besoj se dikush është kundër.
Ministria nuk udhëheq auditetet, ajo informohet dhe auditi është bërë nga Autoriteti Civil.
Kjo ka të bëjë me pjesën financiare dhe nuk dua të ndalem këtu. Sot jam për çështjet e sigurisë, të cilat duhen zgjidhur me emergjencë.
Aviacioni Civil i ka bërë këto gjetje ndër vite. Ka ndodhur që janë bërë modifikime të vogla. Po ju jap rastin e derës A nga e cila ka ndodhur problemi në 2016. Koncesionari ka mbuluar disa probleme ose ka premtuar se për x ditë do rregullohet, ose ka bërë plotësimin minimal të kushteve për të mos investuar. Ju dini vetëm një pjesë, reagimi i koncesionarit se sa mirë i ka plotësuar kushtet është fyes.
Ju dini vetëm një pjesë të rasteve. Kemi pasur përballë një kompani serioze, dhe e kemi konsideruar si një partner strategjik. Çfarë ne sot po shikojmë, kemi kuptuar që koncesionari nuk do të ndërmarrë asnjë lloj. Aviacioni është fushë shumë kritike. Këtu ku ndodhemi do na duhet të ndërhyjmë edhe jashtë rregullave./ Tirana Today
