Ish-deputetja e PD, Jorida Tabaku është shprehur se kryeministri Rama loboi fort për kompaninë që sot ka kontratën e koncesionarit të Rinasit, duke ia shtuar edhe me dy vite kontratën.
Tabaku, kujtoi se në vitin 2016 ishte PD ajo që e denoncoi këtë aferë korruptive, ndërsa hedh dyshime se mos vallë ka mbaruar pazari me këtë kompani dhe duan të sjellin klientin e radhës.
Më tej, ish-deputetja thekson se koncesionari është shqetësimi i fundit, pasi sipas saj në rastin e vjedhjes spektakolare përgjegjës është vetëm shteti.
Reagimi i plotë:
Duket shumë qesharake reagimi i qeverisë ndaj TIA-s a thua se nuk ishte ky kryeministër dhe qeveria e drejtuar prej tij ajo që loboi fort që kompania që sot ka kontratën e koncesionarit të Rinasit tia merrte investitorit serioz gjermano-amerikan dhe për më tepër duke ia shtuar me dy vite kontratën duke i dhënë koncesionarit aktual pa asnje mundim dhe 20 mln euro shtesë.
Ne Prill të 2016 ne e denoncuam këtë aferë korruptive që një kompani off shore-guaskë me pronar që nuk njiheshin, morrën një aset strategjik kombëtar me koncesion. Paraqitëm të dhëna që tregonin se qeveri më të përgjegjshme si ajo e Greqisë, nuk ia dha aeroportin e Athinës kompanisë që sot ka koncesionin e Rinasit. A mos vallë pazari me këtë kompani mbaroi e duan te sjellin klientin e rradhës apo kanë alibinë gati për të hequr fajin nga vetja?!
Gjithsesi, koncesionari është shqetësimi i fundit sepse ne rastin e vjedhjes spektakolare ka vetëm një përgjegjës; shteti dhe strukturat e tij. Policia e shtetit është njoftuar për lëvizjen e vlerave monetare si e përcakton rregullorja, policia e shtetit sot ka sport institucional të sulmojë opozitën e qytetarët por jo të kryejë detyrën. Banditët që terrorizojnë vendin dhe investitorët përfitojnë nga një qeveri që angazhohet të sulmojë qytetarët ndërsa lë të lirë bandat.
Kriminelët janë të predispozuar të vjedhin dhe kryejnë akte të dhunshme kur qeveria bashkëpunon me krimin e organizuar dhe e konsideron atë Partner të Përhershëm Potencial (PPP). Krimi është trimëruar se sot krimi është në pushtet!