Një tjetër goditje e fortë vjen për LSI-në pak muaj para zgjedhjeve të 25 prillit, ku ish-ministri i Drejtësisë Nasip Naço, është larguar nga LSI për t`iu bashkuar PS.
Në kohën kur na ndajnë pak muaj para zgjedhjeve, kanë filluar rrjedhjet e para. Ish-ministri i Drejtësisë, Nasip Naço, ka deklaruar hapur se do t’i bashkohet Partisë Socialiste.
Naço e njoftoi largimin e tij nga LSI në qytetin e Beratit, ku ishte në krah të ministrit Blendi Klosi gjatë ceremonisë së hedhjes së kryqit. Gjatë fjalës së tij para mediave, Naço u shpreh se Shqipëria nuk ka nevojë për eksperimente politike.
I pyetur se përse u largua nga LSI, Naço u shpreh i prerë: “Shqipëria nuk ka më nevojë për eksperimente politike, nuk ka nevojë për njerëz që janë vasalë, ka nevojë që të përfaqësojë qytetarët të cilët kërkojnë që votat e tyre të kalojnë me të majtën. Eksperimentet janë të së kaluarës. E thashë dhe më parë që e ardhmja i përket socialisteve progresive. Mesazhet që më vijnë nga qytetarët janë që unë të vijoj të jap kontribut për këtë qytet dhe nuk janë pak por 70% të artyre që kanë votuar të ardhmen progresive”, u shpreh ai.
