Mel Bernshtajn, amerikani që zotëron 2500 armë nga të gjitha llojet (VIDEO)

Ndonëse niveli i vrasjeve në SHBA është ndër më të lartët në botë, e drejta e mbajtjes së armëve në shtëpi, cilësohet si e shenjtë nga shumë amerikanë. Por Mel Bernshtajn, i njohur ndryshe si “Dragon Man” ka thyer çdo limit.

Ai zotëron një koleksion gjigant armësh, nga të lehtat deri tek ato ushtarake. Mel u bë pjesë e ushtrisë amerikane gjatë Luftës së Vietnamit. Në atë periudhë bëri mbi 100 tatuazhe në trupin e tij.

Më vonë hapi një dyqan armësh. Në muzeumin e tij, ai ka të ekspozuara pushkë, automatikë, 80 automjete ushtarake, një tank rus T54, predha të llojeve të ndryshme, shpata mesjetare japoneze, dhe mbi 900 manekinë të veshur me uniforma ushtarake.

Mel vlerëson se koleksioni i tij i veçantë prej mbi 2500 armësh, vlen mbi 10 milionë dollarë. Në vitin 2012, gruaja e tij u vra aksidentalisht me armë, gjatë xhirimit të një dokumentari. Njeriu më i armatosur në SHBA, mund të cilësohet edhe si më i sigurti në botë. Në fakt nuk është kështu. Në gushtin e 2017-ës, disa adoleshentë i grabitën njërin nga kamionët ushtarakë.

                                        TIRANA TODAY