E enjte, 21 Tetor, 2021
8.5 C
Tirana

Gledis Nano do të nisë “spastrimet” javën e ardhshme në Policinë e Shtetit

Gledis Nano u prezantua dje si drejtor i ri i Përgjithshëm i Policisë së Shtetit. Gjatë ceremonisë së zhvilluar në ambientet e Drejtorisë së Përgjithshme të Policisë, Gledis Nano shpalosi objektivat, duke thënë se do të çohen përpara reformat e ndërmarra.

Nano deklaroi se do të kërkojë edhe angazhim maksimal nga ana e punonjësve të policisë. Ai garantoi se Policia e Shtetit do të jetë në krah të qytetarëve, gjithmonë! Gazetarja Klodiana Lala, teksa ka qenë e ftuar në emisionin “Të Paekspozuarit” në MCN TV, ka paralajmëruar se Gledis Nano do të nisë një “spastrim” javën e ardhshme. Sipas Lalës, do të ketë ndryshime të shefave të komisariateve, dhe të pesë drejtorëve të policive në qarqet e vendit.

“Në dijenin time, sipas informacioneve që kam, do të ndryshohen të paktën pesë drejtues policie në qarqet e vendit. Do të ketë ndryshime javën që vjen, të gjithë shefat e komisariatëve. Do të ketë shumë lëvizje dhe do të sjellin diçka pozitive”, tha Lala.

Sipas gazetares, drejtori i ri ka mbështetje të faktorit ndërkombëtar, konkretisht të amerikanëve. Klodiana Lala u shpreh se Nano ka një sfidë shumë të vështirë. Ai nuk duhet që ti nënshtrohet politikës. Pasi nëse i nënshtrohet, betejën e ka të humbur.

“Karrierën e tij e ka shënjuar një hetim për grupin e xhihadistëve. Është hetim kompleks, suportuar nga amerikanët. Prokurore ka qenë Elisabeta Imeraj. Z. Nano ka patur karrierë graduale. Ka patur një incident në 2008, është larguar nga Policia e Shtetit. Karriera u shenjua kur hetoi ata që konsideroheshin si xhihadistët. Mori suportin e amerikanëve. Ka patur disa raste, që amerikanët i kanë vlerësuar si të suksesshme.

Z. Nano ka një sfidë shumë të vështirë. Duhet të zhbëjë shumë gjëra që janë bërë keq nga paraardhësit. Duhet të mos i nënshtrohet politikës. Nëse i nënshtrohet, betejën e ka të humbur. Nëse i reziston politikës, ka dhe mbështetjen e amerikanëve, mund t’ja dalë mbarë”, tha ajo.

Lexo edhe :   Gledis Nano zbardh lëvizjet e reja, njihuni me drejtuesit në rrethe
- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...