Drejtori i Policisë së Shtetit, Gledis Nano, pak ditë pasi ka marrë detyrën, ka filluar takimet me drejtuesit në Tiranë dhe rrethe. Nano ka zhvilluar sot një takim me drejtorin e Policisë së Tiranës, Rebani Jaupi. Në fokus të diskutimit ka qënë goditja e grupeve kriminale. Në takim kanë marrë pjesë edhe drejtues të sektorëve të ndryshëm.
Të njëjtat burime bëjnë me dije se i pranishëm në takim ka qenë edhe Ministri i Brendshëm Bledi Çuçi, ku mësohet se është diskutuar mbi të rinjtë që kanë mbaruar Akademinë e Sigurisë.
Pritet që të rinjtë të angazhohen në strukturat e sigurisë dhe të rendit, kjo me qëllim për të motivuar në karrierë efektivët e rinj. Ky takim vjen dy ditë përpara afatit 100 ditor të vendosur që kryeministri Edi Rama kishte vënë për riorganizimin e Policisë së Shtetit dhe vendosur prioritete të qarta.
