Një grua italiane rreth moshës 82-vjeçare ka arritur ta mposhtë koronavirusin në kohë rekord.
Armanda Bottini Campolunghi ishte shtruar në spitalin San Matteo në Pavia, pasi simptomat e koronavirusit i ishin shfaqur që para 26 shkurtit.
Familjarët e të moshuarës thanë se ajo vuante edhe nga diabeti i tipit dy. 81-vjeçarja, e cila mbush 82 vjeç në muajin prill iu nënshtrua një rehabilitimi, duke u kuruar me antiviralë. Mjekët i vunë asaj pseudonimin “gjyshja e hekurt”, pasi për habinë e të gjithëve trupi i saj filloi të reagonte pozitivisht ndaj trajtimeve.
Sipas tyre, ajo arriti ta mposhtë virusin në një kohë rekord dhe shtuan se ajo është gati të dalë nga spitali.
