Policia ka zbuluar detaje në lidhje me 39-vjeçarin e arrestuar tek “Komuna e Parisit”, pasi kërcënoi një gjyqtare. Bëhet fjalë për shtetasin Andri Leka, i cili ishte i shpallur në kërkim për veprën penale “Kanosja e gjyqtarit”.
Ende nuk dihet se kush është gjyqtarja e kërcënuar, teksa policia në një njoftim paraprak për mediat bëri me dije se i arrestuari, është shtetasi me inicialet A. L., 39-vjeç.
“Shërbimet e Komisariatit të Policisë Nr.2, si rezultat e një pune të mirëorganizuar, tek “Komun e Parisit” kanë bërë kapjen dhe shoqërimin në ambientet e Komisariatit e shtetasit A. L., 39 vjeç, i shpallur në kërkim për veprën penale “Kanosja e gjyqtarit”, për veprime të mëtejshme hetimore”, thuhet në njoftim.
