Jepet vendimi për 11 të arrestuarit që morën pjese në protestën e Rrugës së Kombit.
Detyrim paraqitje ka qene masa e dhënë ditën e sotme nga gjykata e Apelit në Shkodër, për 8 të arrestuarit kuksianë.
Ndërsa 4 persona Elton Cenku, Florian Onuzi, Vasil Laçi , Shkëlqim Vata do të vazhdojnë të qëndrojnë në masën e arrestit duke lënë në fuqi vendimin e shkallës se parë, kjo pasi personat janë dënuar për veprat të tjera penale.
15:05
Tërhiqet trupa e Gjykatës së Apelit në Shkodër për të marrë vendimin në lidhje me masën e sigurisë për 11 kuksianët e arrestuar të cilët protestuan për taksën e Rrugës së Kombit.
Avokatët kanë kërkuar lirimin e menjëhershëm të 11 të arrestuarve, pasi e kanë quajtur të jashtëligjshme ndalimin e tyre.
11:49
Gjykata nuk ka pranuar si prove në proces, materialet filmike të bëra gjatë arrestimit të protestuesve. Trupa gjykuese ka theksuar se nuk mund të pranohen si provë pamjet e marra nga mediat. Avokatët kanë theksuar se nuk kanë pasur mundësi që t’i binin publike në gjykatë më herët.
E ndërsa gjykata e Apelit në Shkodër shqyrton sot masat e sigurisë për 11 protestuesit në Rrugën e Kombit që u mbajtën në burg, situata jashtë saj po tensionohet. Protestuesit jashtë po hedhin fishekzjarrë dhe tymuese.
Aktualisht trupa gjykuese është tërhequr për arsye se kanë dalë prova të reja, kjo ka bërë tërheqjen e trupës për të marrë në shqyrtim provat.
Fishekzjarret janë hedhur dhe drejt Drejtorit të Policisë së Shkodrës, Vehbi Bushati.
11:05
Nis protesta ne Shkodër për 11 kuksianët e arrestuar për taksën e Rrugës së Kombit.
Do të bllokojmë rrugët nëse nuk lirohen bijtë tanë, mësohen të kenë thënë protestuesit.
Në protestë ka mbërritur dhe opozita e bashkuar për të mbështetur kusianët. Sipas vendimi të trupës gjykuese, nuk do të pranohen të gjithë familjarët brenda gjykatës me pretendimin se salla është e vogël dhe kësisoj do te jete një numër i vogël brenda sallës ku dhe do të zhvillohet seanca.
Policia ka blinduar të gjithë Gjykatën, por protestuesit janë të vendosur që protestat do te kalojnë ne ekstrem, nëse nuk do te lirohen djemtë e pafajshëm.
