E mërkurë, 27 Janar, 2021
2 C
Tirana

Gjykata u zgjodh, po hallet u zgjidhën?

Nga: Sokol Balla 

Shqipëria është një vend i çuditshëm. Deri para dy orësh, lajmi më i madh ishte lidhja live e Erdogan në një ceremoni qeveritare për fillimin e ndërtimit të disa pallateve në Laç, me paratë e qeverisë turke dhe premtimi sulltanor i Edi Ramës për ta kthyer Laçin, një qytezë komuniste industriale, në një pikë të re turistike. Por, rreth orës 18:00, një “tëeet” i ambasadores amerikane njoftoi thuajse para Ilir Metës, se Presidenti i Republikës dekretoi anëtarin e gjashtë të Gjykatës Kushtetuese. Juri Kim e quajti një lajm të madh dhe e pasuan edhe ambasadorët e tjerë, pasi kështu plotësohej një nga kushtet më të rëndësishme të procesit të ngrirë të integrimit. Por, sigurisht që ngjarja shkon shumë më larg se kaq, nisur nga forma e re e Gjykatës dhe nga paditë që ajo duhet të shqyrtojë.

GODINA E PD

Zëra nga opozita po ngrenë që sonte dyshimet nëse kjo Gjykatë ka apo jo vërtet kuorumin e duhur për të shqyrtuar çështje e aq më tepër votat e duhura për të marrë vendime. Nga 6 anëtarë, për të marrë një vendim duhen së paku pesë vota pro, por në kushtet që Vitore Tusha, më shumë se kryetare e Gjykatës është një mbajtëse çelësash e ndërtesës, sigurisht që dilemat janë të mëdha sesi kjo Gjykatë mund të marrë vendim, për shembull, për ligjshmërinë e zgjedhjeve të 30 qershorit, apo për kushtetutshmërinë e vetë anëtarëve të saj, si Xhaferllari, e cila vetë në këtë rast do tërhiqej nga gjykimi i çështjes për shkak të konfliktit të interesit.

META ME BINAJN

E, megjithatë, Gjykata tashmë funksionon normalisht dhe burime diplomatike i pohuan “Real STORY”, se ndoshta brenda 31 dhjetorit “mund të dekretohet edhe anëtari i shtatë”, i cili në këtë rast dhe sipas radhës do të jetë një njeri i Presidentit. President, i cili çuditërisht, ndryshe nga herët e tjera, nuk bëri zë kur dekretoi Binajn, një kandidaturë e vetme e KED para disa ditësh, apo Përparim Kalon sot, megjithëse kandidatura e tretë (ajo e Zhaklina Petos) u vetëlargua nga gara me herët gjatë ditës. Pra, loja jo vetëm nuk ka mbaruar, por në të, tashmë në heshtje, po merr pjesë edhe Presidenti. Në djall të venë parimet? Në djall edhe Kushtetuta? Tani ambasadorët nuk janë më të korruptuar dhe mbështetës të mafies? Në djall edhe PD, edhe aleanca me të “kundër regjimit fashist të Edi Ramës”! /Panorama.al

Lexo edhe :   Pas 3 vitesh, Gjykata Kushtetuese shpall vendimin e parë
Lexo edhe :   Përgjimet/ Studiuesi Baçi: Rama po i gënjen shqiptarët çdo ditë

 

- Reklama -

Më shumë nga kategoria




Të fundit

Video/ Tension dhe përmbysje, Interi eliminon Milanin në minutën e 97-të

Interi triumfoi me rezultatin 2-1 ndaj Milanit, në derbin e vlefshëm për çerekfinalen e Kupës së Italisë, ku nuk mundoi as tensioni. Ibrahimoviç dhe Lukaku...

Skënder Brataj tregon numrin e personelit mjekësor të vaksinuar

Drejtori i Urgjencës Kombëtare, Skënder Brataj ka bërë me dije shifrat e personelit mjekësor që është injektuar me vaksinën anti-covid deri më tani në...

Shkel rregullat e rrjetit social, Twitter i mbyll llogarinë Genc Pollos

Platfotma Twitter i ka mbyllur llogarinë ish-deputetit të PD, Genc Pollo, për shkak se ky i fundit ka shkelur rregullat e rrjetit social. Lajmin e...

Haradinaj mesazh Serbisë: Do forcojmë policinë dhe ushtrinë e Kosovës

Kandidati për President në Kosovë, Ramush Haradinaj ka përcjellë një tjetër për fqinjët, Serbinë. Haradinaj u shpreh se Kosova nuk do e mbajë më kokën...

Kur lali Eri gjobit Ndrangheta-n

Nga: Dritan Hila Sapo kapën implikimin e tre personave italianë që bënin kështjella në rërë për biznese në Tiranë dhe ku përmendej edhe mafia kalabreze,...