Gjykata e Apelit në Durrës ka lënë në fuqi vendimin e marrë nga gjyqtari, Shpëtim Reka, i cili i dha Valbona Sakos mandatin për kryebashkiake.
Gjykata vendosi kështu të pushojë çështjen për rastin e konfirmimit në detyrë të kandidates socialiste për Bashkinë e Durrës, pasi kandidatja e PS-së nuk arriti të merrte mbështetjen në procesin e parë, kur gjyqtarja Mimoza Margjeka refuzoi t’i jepte asaj mandatin për kryebashkiake.
Margjeka e argumentoi vendimin e marrë duke thënë se zgjedhjet e 30 qershorit nuk ishin të ligjshme, pasi partia “Bindja Demokratike” ishte regjistruar jashtë afatit zyrtar, duke i bërë zgjedhjet nul.
Ndërkohë që Partia Socialiste iu drejtua së njëjtës instancë si palë më vete, duke rikërkuar rishqyrtim të çështjes.
