Gjykata e Tiranës, ka caktuar masën ‘arrest me burg’ për 3 të arrestuarit që dyshohen për vrasjen e Jurgen Kurtit në datën 18 mars, poshtë banesës së tij në Tiranë.
Bëhet fjalë për Elsi Levendi 21 vjeç, lindur në Athinë/Greqi dhe banues në Tiranë, Alesio Berberi 33 vjeç lindur në Patos dhe Olsi Qalliaj, 22 vjeç, lindur në Fier dhe banues në Patos, në bashkëpunim dhe me Klodian Banen, i shpallur tashmë në kërkim.
Të rinjtë akuzohen për veprat penale “Vrasje me paramendim e kryer në bashkëpunim”, “Prodhim dhe mbajtje pa leje të armëve luftarake” dhe “Prodhim dhe shitje të lëndëve narkotike”.
Sipas policisë, gjatë kontrollit fizik në banesat e tyre janë gjetur një automjet që u ka shërbyer autorëve për tu larguar nga vendi i ngjarjes, si dhe dy makina të tjera luksoze.
Gjithashtu u gjet dhe një armë zjarri “Pistoletë TT”, fishekë luftarak, një sasi prej 2470 Euro e lekë shqiptare, 13 aparate celular, si dhe një sasi e vogël lënde narkotike.
