Presidenti i SHBA-së, Donald Trump ka paguar dy milionë dollarë për 8 organizata bamirësie, sipas një vendimi të një gjykate vendase, pasi ka shpenzuar donacione bamirësie për fushatën e tij elektorale.
Fondacioni “Donald J Trump Foundation”, organizata që nuk paguan taksa, ka përdorur donacionet e ndryshme për të sponsorizuar fushatën e Trump. Mësohet se pas vendimit të gjykatës, Trump ka pranuar se ka pasur shkelje të ligjeve për financimet e fushatës dhe se ka përdorur statusin e fondacionit.
Edhe pse më herët presidenti Trump e kishte cilësuar si akuzë politike këtë gjë, vendimi i gjykatës e ka detyruar t’i bindet ligjit. Muajin e kaluar është arritur dhe marrëveshja, ku sipas të cilës, 8 organizata përfitojnë nga 476 mijë dollarë secila.
