Kryetari i Partisë Konservatore, Kujtim Gjuzi zbuloi mesazhet me përmbajtje kërcënuese, për të cilat pretendon se i kanë ardhur nga kryeministri Edi Rama.
I ftuar në “Report TV”, Gjuzi u shpreh se shefi i qeverisë ka rënë në grackën e kryetarit të Parlamentit, Gramoz Ruçi. Ky i fundit, i tërhoqi vëmendjen Gjuzit në seancën e kaluar për veshjen në Kuvend.
“Nëse unë të shoh në Parlament me këtë veshje, jo vetëm si LGB, më ka thënë një fjalë tjetër por që s’e them dot, do të nxjerr zvarrë nga Parlamenti. Por s’ka shansin, vetëm vdekur; unë s’lej mashkull të më prek me dorë”, tha Gjuzi.
Po ashtu, deputeti lëshoi akuza edhe ndaj Ruçit, të cilin e bën përgjegjës për të vrarët në Shkodër në masakrën e 2 prillit të vitit 1991.
“Isha veshur me xhakavento, siç vjen Bashkim Fino gjithmonë, isha veshur, me këmishë, xhinse dhe këpucë. I them kryeministrit: Edo, kujdes se unë nuk kam frikë. Nuk kritikoj njeri, këshilloj njeri.
E kam edukatë nga 3 gjyshërit e mi, dhe 1 e ka vrarë Gogo Nushi me Gramoz Ruçin dhe mbesat e nipërit e tyre janë Parlament. Unë ndonjë ditë do të vij me kostum kaubojsi dhe do i them Gramoz Ruçit “Kush je ti, që ke përgjegjësi për vrasjet në Shkodër?”, deklaroi Kujtim Gjuzi.
