Kryeministri Edi Rama vendosi t’a mbyllte fjalimin e tij sot në Kuvend për negociatat, me një batutë për deputetin e opozitës së re, Kujtim Gjuzi. Rama e quajti Gjuzin ‘mbret’, ‘lartmadhni’, ndërsa në sallë nuk munguan të qeshurat.
Deklarata e Ramës u bë në seancën plenare, teksa u diskutua rezoluta për hapjen e negociatave të Shqipërisë me BE, dhe hapat që duhet të ndjekë vendi për të marrë dritën jeshile.
“Madje për ata kam më shumë dhimbje, ju keni hallin e Evropës, ai ka hallin e monarkisë. Po janë halle luksi në krahasim me ata atje.
Se erdhi, s’erdhi monarkia, ti je mbret. S’të lëviz kush nga froni. Gjuz, ti nuk je i përgjegjshëm, ti je mbret. Lartmadhni ulu se jemi ende në republikë.
Kështu që miqtë e mi, Reformën Zgjedhore t’a bëjmë mirë. Dhe urgjent. Ata që janë jashtë, nuk e duan. Ju s’keni pse të mos e doni. Ata që janë jashtë, nuk e duan sepse një nga ato gjërat që do bëjmë bashkë është që të mos ketë më komisioner politike. Ju me çdo sistem, s’merrni dot komisioner, ju ngelet mbreti në dorë”.