Ministrja e Drejtësisë, Etilda Gjonaj, ka propozuar ndryshime në Kodin Penal, për kriminalizimin dhe dënimin e shpifjes. Propozimet përmbajnë parashikime për gjoba dhe burgim, për personat që kryejnë fotomontazhe pa leje.
Kjo kategori, përfshin edhe “memet” e famshme të rrjeteve sociale. Në draft parashikohet se ndjekja penale fillon me ankim të viktimës ose përfaqësuesit ligjor të tij.
Por, dënimi me burg mund të evitohet nëse mesazhi apo videoja ironike, që pretendohet nga propozuesi se cënon imazhin, tërhiqet.
Çfarë parashkikon saktësisht Neni 238 i Kodit të ri Penal, Seksioni VIII “Veprat penale kundër të drejtave të njeriut, dinjitetit njerëzor dhe lirive themelore”:
-Cënimi i imazhit të personit
1. Publikimi në cdo formë, mënyrë apo mjet i një montazhi të realizuar me fjalët ose imazhin enjë personi pa pëlqimin e tij, nëse kryhet për qëllime përfitimi material ose jo material, apo kur ka qëllim të dëmtojë reputacionin e një personi, kur materiali nuk shfaqet dukshëm që është njëmontazh ose nëse nuk përmendet shprehimisht se eshtë i tillë, përbën kundrvajtje penale dhedënohet me burgim deri në 1 vit.
2. Ndjekja penale fillon me ankim të viktimës ose përfaqësuesit ligjor të saj dhe pushon me tërheqjen prej saj.
