Në një prononcim për mediat, anëtari i mazhorancës në Këshillin Politik, Damian Gjiknuri tha se pret nga opozita jashtëparlamentare që të sjell në Këshillin Politik një model ku përdoret sistemi rajonal propocional dhe me lista të hapura dhe mazhoranca do e pranojë. Përfaqësuesi i PS u shpreh se janë gati të zbatojnë çdo model që është brenda zonës së OSBE, por shtoi se opozita jashtëparlamentare nuk ka bërë asnjë propozim të qartë.
Ai shtoi më tej se opozita jashtëparlamentare ndodhet në një pozitë bllokuese, me anë të këresave të saj politike. Po sipas tij, opozita jashtëparlamentare kërkon vetëm bllokim, ndërkohë opozita parlamentare dhe mazhoranca kanë ofruar kompromis.
“Fatkeqësisht, opozita jashtëparlamentare ndodhet në një pozitë bllokuese me anë të kërkesave të saj politike. Ata nuk japin asnjë shpjegim për koalicionet parazgjedhore, nga ana tjetër ekspertët kanë thënë se hapja e listave nuk ndalon koalicionet. Opozita jashtëparlamentare kërkon vetëm bllokim, ndërkohë opozita parlamentare dhe mazhoranca ka ofruar kompromis.
Ata thonë se shqetësimi i tyre nuk është hapja e listave, por e kanë tek koalicionet. Ne u kemi thënë që të zgjedhin një model dhe ta paraqesin në Këshillin Politik. Një model është dhënë nga PS dhe kanë thënë Letoninë ose Holandën, ne jemi gati që të pranojmë kë model të duam që të jetë brenda hapësirës së OSBE. Në jemi dakord që të sjellin kë model të duan”, u shpreh deputeti i PS.
