Armando Cungu nuk do të jetë më trajner i Kukësit. Verilindorët kanë shkarkuar trajnerin për shkak të rezultateve negative të javëve të fundit dhe vendin e tij do ta marrë Ramadan Ndreu. Presidenti Safet Gjici ka investuar shumë për Kukësin në merkaton e verës, por edhe në atë të janarit ku erdhën emra mjaft të rëndësishëm.
Por pavarësisht investimeve Kukësi nuk arriti të shprehë më të mirën dhe vazhdon të jetë -9 pikë nga Partizani kryesues, duke u cilësuar praktikisht si kampionat i mbyllur. Por ajo që ka çuar në këtë vendim ekstrem te verilindorët ka qenë humbja e javës së fundit përballë Skënderbeut.
Njoftim!
Futboll Klub Kukësi njofton përfundimin e bashkëpunimit me trajnerin Armando Cungu.
Si pasojë e rezultateve negative te javëve të fundit, drejtuesit e Klubit dhe Armando Cungu kanë arritur me mirëkuptim përfundimin e bashkëpunimit.
Falenderojmë trajnerin Cungu për kontributin e dhënë në drejtimin e skuadrës sonë dhe i urojmë suksese në karrierë!
Që nga dita e sotme në krye të pankinës sonë do të jetë Ramazan Ndreu, i cili mbante detyrën e drejtorit të menaxhimit te klubi ynë.
