Një nga drejtuesit kryesorë të CDU\CSU në Gjermani, Johan Wadephul, ka kërkuar miratimin pa ndryshim të marrëveshjes mes palëve për Kodin Zgjedhor në Shqipëri.
Ai shpreh keqardhje që kjo marrëveshje nuk është miratuar akoma, teksa thekson se miratimi i reformës zgjedhore është 1 nga 15 kushtet për integrimin evropian.
Deklarata e plotë:
Shpreh keqardhjen që marrëveshja e 5 qershorit nuk është kodifikuar akoma. Aprovimi me konsensusin e partive politike i reformës zgjedhore, pa asnjë ndryshim, si dhe zbatimi i saj është kyç për rrugën e Shqipërisë drejt BE. Nxis të gjitha palët, në veçanti, deputetët, ta finalizojnë këtë kriter të rëndësishëm. Forca Shqipëri!
