Ish-Ministri i Mbrojtjes, Fatmir Mediu, ka kundërshtuar vendimin e Apelit të GJKKO për rihapjen e hetimeve për tragjedinë e Gërdecit.
Avokati mbrojtës i ish-ministrit ka bërë rekurs, ku i kërkon Gjykatës së Lartë prishjen e vendimit të Apelit te Posaçëm, pasi ky vendim ështe akt antikushtetues, dhe se për këtë çështje është dhënë njëherë vendim.
SPAK njoftoi të enjten se ka regjistruar procedim penal ndaj ish-Ministrit të Mbrojtjes, Fatmir Mediu në lidhje me çështjen “Gërdeci”. Rihapja e çështjes ndaj Mediut, u vu në lëvizje pas 12 vitesh me inciativën e familjes së një prej viktimave të shpërthimit në mars 2008 në ambientet e ish “Brigadës së Tankeve”, me 26 humbje jete e qindra të plagosur.
